Болливуд юлдузи Саиф Али Хоннинг қизи Сара Али Хон кино оламидаги дебют ишини 2018 йилда “Кедарнатҳ” фильмидан бошлаган. Намойишдан уч ҳафта ўтгач режиссёр Рохит Шеттининг “Симмба” фильмида роль ўйнаган.
Мазкур фильмлар ҳинд кино саноатида катта муваффақият қозонганидан сўнг Сара Али Хон унчалик эътиборга лойиқ кўрилмаган фильмлар — “№1 Юк ташувчи” (Cооlie №1), “Ғайритабиий севги” (Аtrangi Re) ҳамда “Газлайтинг” (Gaslight) кабиларда суратга тушди ва унинг карьераси орқага кета бошлади.
Энди эса 15 мартдан бошлаб кетма-кет намойиш этиладиган иккита фильм премьераси Саранинг карьерасини чўққиларга олиб чиқиши мумкин.
“Табриклаймиз! Бу — қотиллик!” (Мurder Мubarak)
Мазкур фильм детектив комедия бўлиб, “Қинидан чиққан пичоқлар” мотивлари асосида суратга олинган. Саиф Али Хон фильмда гумонланувчи шахслардан бири ролида иштирок этади.
Фильмда кўплаб машҳур ҳинд актёрлари, жумладан, Каришма Капур, Санджай Капур, Виджай Варма, Димпл Кападия, Тиска Чопралар роль ўйнайди.
Фильм Netflix томонидан жорий йилнинг 15 март куни чиқиши режалаштирилган.
“Ватаним, жоним ватан” (Аe Watan Меrе Watan)
Фильм ватанпарварлик ҳақида бўлиб, озодлик учун курашган Бомбей коллежи талабасининг қўрқмас саёҳати ҳақида ҳикоя қилади. Воқеалар 1942 йил август ойида бўлиб ўтади. Сара Али Хон уруш даврида радио орқали бутун мамлакат бўйлаб янгиликларни тарқатишда муҳим роль ўйнаган ёш қиз образида кўриниш беради.
Фильм режиссёри Каннан Айер бўлиб, премьера Prime Video’да 21 март куни бўлиб ўтади. Мазкур фильмлар Сара Али Хонга улкан муваффақият олиб келиши кутилмоқда.
Изоҳ (0)