Берлин яқинидаги Tesla заводида электр таъминоти тикланди, у ўтган ҳафта подстанциядаги ёнғин сабабли узиб қўйилган эди. Бу ҳақда энергетика компанияси E.dis. ахборотига таяниб, ‘‘РИА Новости’’ хабар берди.
Ҳал қилувчи уланиш E.dis. тармоғини бошқариш марказида соат 20.45да амалга оширилди. Шу пайтдан бошлаб электр таъминоти қайта тикланди, — дейилади компания баёнотида.
Шунингдек, компания ёнғин чиққан жойда таъмирлаш ишлари давом этишини маълум қилган.
5 март куни Tesla заводи, Эркнер шаҳри ва Берлиннинг иккита ҳудуди подстанцияга ўт қўйилиши сабабли электр таъминотисиз қолган эди. Завод ходимлари эвакуация қилинган. Ёнғин Tesla Gigafactory фаолиятида катта узилишга сабаб бўлган. Компания матбуот котиби Андре Тиригнинг айтишича, завод фаолиятидаги тўхтаб қолиш 500 миллион евродан кўпроққа тушади.
Заводга ҳужум аллақачон Германия ички ишлар вазири Ненси Фезер томонидан қораланган. Tesla’нинг Берлин яқинида янги қурилган заводи 100 гектардан ортиқ ўрмонни кесишни назарда тутувчи кенгайтириш режалари туфайли атроф-муҳит фаоллари томонидан бир неча бор ҳужумга учраган эди.
Изоҳ (0)