Исроил ҳарбийлари Ғазо секторида ҲАМАС жангчиларига қарши робот итлардан фойдаланишни бошлади. Бу ҳақда Bild хабар берди.
Американинг Ghost Robotics компаниясининг ярим автоном Vision 60 unit робот итлари туннеллардаги тузоқларни ва ҲАМАС позицияларини аниқлаш учун фойдаланилади. Улар номаълум муҳитда ишлашга имкон берувчи махсус сенсорлар билан жиҳозланган. Бундай роботлар секундига уч метр тезликда 10 километргача бўлган масофани босиб ўтишга қодир. Бундан ташқари, улар юриш тезлигини назорат қилиши ва инсон буйруғисиз тўхташи мумкин.
Стандарт робот итнинг оғирлиги 51 килограмм бўлиб, тахминан уч соат ишлай олади. Қурилманинг юк кўтариш қуввати 10 килограмм, йиғиш ва демонтаж қилиш вақти 15 минут.
Исроил Ғазо секторида қўллаган яна бир робот қурилма Rooster дронидир. У объектлар устидан сакраб ўтиши ва тўсиқларни енгиб ўтиши мумкин.
“Мақсад — тузоқ ва бошқа хавфларни аниқлаш учун аскарлардан олдин воқеа жойига етиб боришдир”, — дейди Роботиcан бош директори Хагай Балшаи.
Изоҳ (0)