Тошкент шаҳар ҳокимлиги ерусти метро тармоғи остидаги бизнес бинолари қурилиши якунланганини маълум қилди.
“Яшнобод туманидаги ерусти метро тармоғи остида барпо этилган чакана савдо ва маиший хизмат кўрсатиш биринчи босқич объектларини қуриш ишлари ўз якунига етди”, — дейилади хабарда.
Харидорларга Оҳангарон шоссеси ва Тошкент ҳалқа йўли бўйлаб 60 га яқин объект таклиф этилмоқда. Бинолардан савдо ёки маиший хизмат кўрсатиш учун фойдаланиш мумкин.
Бунда ижара шартномалари беш йил муддатга тузилади. Бинолар рўйхати ва улар ҳақидаги маълумотларни батафсил қуйидаги ҳавола орқали олиш мумкин. Бошланғич нархлар мулкнинг жойлашган ўрнига қараб 190 миллион сўмдан 220 миллион сўмгача.
- Эслатиб ўтамиз, 2021 йилнинг октябрида қабул қилинган президент қарори билан ер ости ва ерусти метро бекатларида савдо ва хизмат кўрсатиш майдончаларини ташкил этиб, тадбиркорларга аукцион асосида ижарага бериш белгиланганди.
- 2023 йилнинг февраль ойида ерусти метро йўналиши эстакадаси остидаги ҳудудларда жами 2700 ўринли автотураргоҳлар ташкил этилиши ҳақида маълум қилинди.
- Ноябрга келиб, пойтахт ҳокимлиги метронинг ерусти линиялари остидаги биноларни ижарага берилишини маълум қилди.
- Ер усти метро линиялари остидаги фойдаланилмаётган ерларнинг умумий майдони 100 минг квадрат метрни ташкил этади.
Изоҳ (0)