Исроил Вазирлар маҳкамасининг йиғилишида вазирлар ва Исроил армияси раҳбари Герзи Ҳалеви ўртасида зиддият юзага келди. Бу ҳақда The Jerusalem Post хабар берди.
Хабарга кўра, бир қанча вазирлар Ҳалевига норозилигини билдириб, Исроилнинг Ғазодаги қуруқликдаги амалиёти самарасиз ва жуда секин ўтганини таъкидлаган. Вазирлар Рафаҳнинг қўлга олиниши билан боғлиқ хатога ҳам ишора қилган. Бунга жавобан Ҳалеви Ғазо секторида қуруқликдаги операция бошлаш зарурлигини айнан армия ва хавфсизлик хизматлари таъкидлагани, вазирлар эса бунга қарши бўлганини эслатган.
“Сизларга қуруқликдан ҳужум қилишни бошлашни истамаганингизни эслатаман. Агар Исроил армияси ва хавфсизлик хизматлари буни талаб қилмаганида эди, биз Ғазо секторида қуруқликдаги манёврларни ўтказмаган бўлардик”, — деган у.
Исроил армияси вакили тегишли зиддият бўйича батафсил муносабат билдиришдан бош тортган.
Изоҳ (0)