Экология, атроф-муҳитни муҳофаза қилиш ва иқлим ўзгариши вазирлиги тасарруфидаги “Ҳисор” давлат қўриқхонаси ходимлари томонидан оқ бошли қумой тасвирга олинди.
Оқ бошли қумой заиф, қисқариб бораётган, ўтроқ, мозаик тарқалган номинал кенжа тур сифатида ТМХИ Қизил рўйхати ва Ўзбекистон Қизил китобига киритилган. Овлаш тақиқланган. Тоғ қўриқхоналари ва миллий табиат боғларида муҳофаза остига олинган. SITES’нинг II Иловасига киритилган.
Сўнгги йилларда Оҳангарон сув омборида 30 тагача, Обжазсойда (Қурама тоғи) 46 та, Деҳқонободда – 70 та, Танги қишлоғида (Кўҳитанг) – 27 та дан иборат галаси учраган. Сурхон давлат қўриқхонасида мазкур турнинг умумий сони 2015 йилда 55-60 тани ташкил этган. Марказий Осиё популяциясининг сони барқарор. Дунёдаги популяцияси 500 мингдан 1 миллионтагача экани тахмин қилинади.
Фотоқопқонга муҳрланган ноёб ҳайвонлар
2023 йилнинг сентябрь охирларида “Зомин” давлат қўриқхонасига ўрнатилган фотоқопқонга “Арча майдон” ҳудудида сайр қилиб юрган она-бола Туркистон силовсини тушиб қолгани маълум бўлган эди. 2022 йилнинг октябрь ойида “Сурхон” давлат қўриқхонасига ўрнатилган фотоқопқонга манул тушиб қолганди. Шунингдек, “Ҳисор” давлат қўриқхонаси қўриқлаш ходимлари томонидан ўрнатилган фотоқопқон объективига Туркистон силовсини, “Чотқол” давлат биосфера қўриқхонасида эса қор қоплони муҳрлангани тўғрисида хабар берилганди.
Изоҳ (0)