Бир неча метр ипак ва органза, ҳашаматли безак, нозик бел — ҳар бир қиз шу актрисанинг ўрнида бўлишни ва ҳақиқий малика либосини кийишни орзу қилади. Бироқ ҳаммаси ҳам кўринганидек осон эмас: металл корсетлар, 25 килограммли кийимлар, 1 кг оғирликдаги сирғалар — буларнинг барчаси актрисаларнинг қийналишига сабаб бўлган.
“Оппоғой ва овчи 2”, Шарлиз Терон
Костюм дизайнери: Колин Этвуд.
Ушбу фильм ўзидан олдинги “Оппоғой ва овчи” сингари афсонавий Колин Этвуд томонидан яратилган ҳашаматли либослар туфайли ҳам машҳур.
Бироқ бу фильмларда ўхшаш жиҳат бор— иккаласида ҳам Шарлиз Терон қарға патларидан тикилган ажойиб плашда пайдо бўлади. Актриса иккинчи фильмда бу кийимини деярли ечмайди.
Кийим ҳайратланарли даражада чиройли бўлса-да, Этвуднинг сўзларига кўра, у жуда оғир бўлган. Суратга олиш жараёнида Шарлиз танаффуслар қилиб, тоза ҳаводан нафас олиш учун ташқарига чиқишига тўғри келган.
Бундай ҳашаматли либосни яратиш осон бўлмаган — патларнинг ҳар бири қўлда тикилган. Либосни тайёрлаш учун икки ҳафта ва тахминан 30 минг доллар сарфланган.
“Золушка”, Лили Жеймс
Костюм дизайнери: Сенди Пауэлл.
2015 йилги фильмдаги Золушканинг ҳаворанг либоси ҳар бир қизнинг орзуси бўлгани ажабланарли эмас, албатта. Ушбу ажойиб либосни яратиш учун костюм дизайнери Сенди Пауэллга қарийб 4000 соат керак бўлди.
Гап шундаки, ҳар бир саҳна учун алоҳида либос яратилган — калтароқ, узунроқ, енгилроқ — жами саккизта кийим тикилган. Уларнинг ҳар бири студияга тахминан 12 минг долларга тушади. Ҳар бирига 250 метр мато ва жами 5 км ип сарфланган.
Бироқ актриса Лили Жеймс учун қийинчилик туғдирган жиҳати — кийимнинг корсет ва кринолини пўлатдан ясалганлиги эди. Ҳар сафар кийиниш учун актрисага 25 дақиқа кетган. У деярли нафас олмаслиги керак эди, чунки Золушканинг бели мукаммал бўлиши шарт эди.
Лилининг сўзларига кўра, у учун энг қийин саҳна шаҳзода билан балда рақс тушган саҳнаси эди, чунки партнёри доим этагини босиб олган. Натижада ҳар бир қўшимча суратга олиш ушбу кўйлакда ўтказиладиган вақтни бир неча соатга чўзган.
“Еттинчи ўғил”, Жулианна Мур
Костюм дизайнери: Жаклин Уэст.
Мураккаб тақдирни бошдан кечирган жодугар ролини Жулианна Мур жуда ишонарли тарзда гавдалантирган. Гап шундаки, актриса суратга олиш пайтида чинакам азоб-уқубатларни бошдан кечирган.
Актрисанинг сўзларига кўра, асосий либоси — корсетли қора кўйлакни биринчи марта кийганида ҳатто бармоғини ҳам қимирлата олмайди. Корсет ҳаракатланишни чеклаб қўйган, кийимнинг орқа томонига эса металл ҳалқалар маҳкамланган.
Актрисанинг эслашича, Жаклин Уэст бундай оғир кийимда ўйнашнинг иложи йўқлигини тушуниб, уни енгиллаштиришга қарор қилади. Металлнинг бир қисми олиб ташланиб, темир ҳалқалар енгилроқ материалдан ясалган.
Бироқ бу ҳам ёрдам бермайди — Жулианна унда қимирлай олмайди, чунки кийимнинг енгил версияси 30 кг дан ортиқ эди.
“Алиса мўжизалар мамлакатида”, Ҳелена Бонем Картер
Костюм дизайнери: Колин Этвуд.
Тим Бёртоннинг фильмида Мия Васиковска ўйнаган бош қаҳрамон эмас, балки бошга актриса азоб чекишига тўғри келади. Ўша пайтда режиссёрнинг рафиқаси бўлган Ҳелена Бонем Картер кийими сабаб жуда қийналади.
Муаммо шундаки, Бёртоннинг фикрига кўра, қаҳрамон маълум бир деформацияга эга бўлиши керак эди – яъни ҳаддан ташқари катта бошга. Бундай эффектни яратиш учун, албатта, компьютер графикаси ёрдам беради, лекин костюм дизайнери ҳам ҳаракат қилиши лозим эди.
Натижада бош каттароқ кўриниши учун танани имкон қадар кичрайтиришга қарор қилинади. Ўша пайтда Картер жуда озғин бўлишига қарамай, корсет кийдирилади. Актрисанинг бели шу қадар сиқилганки, Ҳелена зўрға нафас оларди. Юлдузнинг сўзларига кўра, ўша пайтда у корсет кийишнинг бебаҳо тажрибасига эга бўлган.
Кейинчалик 2015 йилги “Золушка”да пари ролини ўйнаб, у бу ажойиб санъатни Лили Жеймсга ўргатади. Ҳелена кейинчалик қовурғалар оғримаслиги учун корсет боғланганда қандай қилиб тўғри нафас олишни кўрсатиб беради.
“Оппоғой: миттилар қасоси”, Жулия Робертс
Костюм дизайнери: Эйко Ишиоки
Ушбу фильм учун либослар афсонавий Эйко Ишиоки томонидан яратилган. Унинг енгил қўли билан қироличанинг гардеробида бир нечта ҳашаматли либослар пайдо бўлади, уларни Жулия Робертс санъат асарлари деб атайди. Бироқ фильм устида ишлашнинг энг қийин қисми нима, деган саволга актриса “Менинг тўй либосим”, деб жавоб беради.
Қиролича Клементина тўй либосининг оғирлиги 25 кг, диаметри 2,4 метр эди. Бу кўйлакни кийиш учун ҳар сафар актрисага кўп вақт керак бўлади ва бир вақтнинг ўзида бир нечта одам унга ёрдам беради.
Ҳатто юлдузнинг шахсий ёрдамчиси ҳам суратга олиш жараёни ҳақида гапирар экан, тўй саҳнасини суратга олиш Жулияни жуда чарчатганини таъкидлайди.
Изоҳ (0)