Исроил ва ҲАМАС ўртасидаги жанглар оқибатида Ғазо ҳудудида ҳалок бўлганлар сони 30 минг нафардан ошди. Бу ҳақда CNN хабар берди.
Ғазо Соғлиқни сақлаш вазирлиги берган маълумотга кўра, 29 февраль куни Фаластин анклавида ҳалок бўлганлар сони расман 30 минг кишидан ошган. Вазирлик ҳалок бўлганлар сони амалда бундан ҳам кўп бўлиши мумкинлигини айтган.
Хабарда айтилишича, Исроил можарони тўхтатиш учун глобал миқёсда кучайиб бораётган босимга дуч келмоқда. Бироқ унинг Ғазодаги ҳарбий амалиётлари АҚШнинг қўллаб-қувватлови ва таъминоти туфайли ҳали давом этиши мумкин.
Ғазодаги тиббиёт муассасаларидан олинган маълумотларга кўра, қурбонларнинг тахминан 70 фоиздан кўпроғи аёллар ва болалардан иборат.
Исроил томони баёнотига кўра, 7 октябрдан бери 10 минг нафарга яқин ҲАМАС жангчиси ҳалок бўлган. Исроил армияси ҲАМАС жангарилари сонини 30 минг атрофида деб тахмин қилмоқда.
Изоҳ (0)