Режиссёр Сэм Мендес Sony Pictures Entertainment студияси билан ҳамкорликда Тhе Beatles гуруҳи аъзолари — Пол Маккартни, Жон Леннон, Жорж Ҳаррисон ва Ринго Старр ҳақида тўлиқ метражли фильмлар суратга олади. Бу ҳақда Deadline хабар бермоқда.
Мендес ташкил этган Neal Street Productions компанияси ҳам лойиҳага продюсерлик қилади. Фильм ғоясини режиссёр бир йил аввал ўйлаб топган. Ҳозирча кинода қайси актёрлар роль ўйнаши номаълум. Премьера 2027 йилда бўлиши кутилмоқда.
“Барча даврлар ичида энг буюк рок гуруҳ ҳақида фильм суратга олишдан мамнунман ва сюжети ёрқин воқеаларга бой инновацион фильм тақдим этишга тайёрман”, — дейди режиссёр.
Сэм Мендес “Америкача гўзаллик”(1999), “Скайфолл” (2012) ва Жеймс Бонд ҳақидаги “Спектр” (2015) фильмларининг муаллифидир.
Изоҳ (0)