Француз актёри Жерар Депардье яна жинсий зўравонликда айбланмоқда. Бу ҳақда “Правила жизни” хабар берди.
Ҳолат 2021 йил сентябрь ойида Парижда “Яшил панжаралар” фильмини суратга олиш жараёнида содир бўлган.
Жорий йилнинг 23 февраль куни Амели исмли 53 ёшли саҳна рассоми актёр устидан судга шикоят қилди. Съёмка пайтида Жерар Депардье унга кўп бор қаттиққўл муносабатда бўлган, сўнг унга жинсий зўравонлик ишлатган. Актёрни унинг қўриқчилари тўхтатиб қолган.
Бундай воқеа Депардье билан боғлиқ биринчи ҳолат эмас. Аёлларга нисбатан ҳақоратомуз сўзлари учун у аллақачон Франциянинг энг олий мукофоти – “Фахрий легион” орденидан маҳрум қилинган. Бундан аввал испаниялик журналист Рут Баса актёрни 1995 йилда содир бўлган жинсий зўравонликда айблаган эди.
Изоҳ (0)