Канадалик аёл Адри Лаш янги диета ва бир маҳсулот ёрдамида 31 килограмм ортиқча вазндан халос бўлди, деб ёзади Kansas Citty Star.
69 ёшли пенсионер аёл ортиқча вазн ва бўғим касалликлари туфайли соғлиғида турли муаммоларга дуч келди. Ҳар хил парҳез усуллари самара бермагач, Адри углеводларни кам истеъмол қилишга асосланган кето-диетага мурожаат қилди.
Бундай парҳезга амал қилганидан бир неча ой ўтиб, аёл ўзида метаболизм яхшиланганини ва умумий соғлиги тикланганини сезди. Бироқ унга нон маҳсулотларидан ўзини тийиш мушкул эди. Шунда Адри интернетда турли хил углеводи кам нон рецептларини излаб, зардобли оқсилдан тайёрланадиган нонни синаб кўрди.
Доимий парҳез, соғлом турмуш тарзи ва зардобли оқсилдан тайёрланадиган нон истеъмол қилган аёл 8 ой ичида 31 кило вазн йўқотишга муваффақ бўлди.
Изоҳ (0)