Қишнинг сўнгги кунлари ва баҳорнинг биринчи куни Ўзбекистон ҳудуди бўйича об-ҳавонинг беқарор шароити сақланиб туради, деб хабар бермоқда “Ўзгидромет”.
Маълум қилинишича, 26—29 февраль ва 1 март кунлари республиканинг кўпчилик вилоятларида вақти-вақти билан ёғингарчилик (ёмғир, қор) бўлади. Фақат Қорақалпоғистон Республикаси, Хоразм вилоятида ва бугун кундузи Бухоро, Навоий вилоятларида ёғингарчилик кутилмайди.
Ушбу кунларда республика бўйича меъёрдан 2-5 даражага паст бўлган ҳарорат сақланиб туради. Ҳаво ҳарорати кечалари 0-5 даража совуқ, шимолда 5-10 даража совуқ, кундуз кунлари 2-7 даража илиқ атрофида бўлади.
Шамол 7-12 метр/секунд тезликда эсади. Республика бўйича баъзи жойларга туман тушади. Тоғли ҳудудларда вақти-вақти билан қор ёғади. Қор кўчиш хавфи бор.
Тошкентда 28 февраль ва 1 март кунлари вақти-вақти билан ёмғир ва қор кўринишидаги ёғингарчилик бўлади. Ҳафтанинг қолган кунлари эса асосан ёғингарчиликсиз об-ҳаво бўлиши кутилмоқда. Ҳарорат кечалари 1-4 даража совуқ, кундуз кунлари 3-6 даража илиқ бўлади.
Изоҳ (1)
haa bu aniq kun sovuq ancha