“Россия ‘Толибон’ билан бирдамлик белгиси сифатида Доҳадаги учрашувда қатнашишдан бош тортди” — Мария Захарова

Россия Ташқи ишлар вазирлиги Бирлашган Миллатлар Ташкилотининг Доҳада Афғонистон билан боғлиқ йиғилишига муносабат билдирди.

Россия Ташқи ишлар вазирлиги матбуот котиби Мария Захарова якшанба ва душанба кунлари Бирлашган Миллатлар Ташкилоти бош котиби Антониу Гутерриш мезбонлигида бўлиб ўтган Доҳа учрашуви муносабати билан Афғонистон бўйича “Толибон” ҳаракати ва минтақа давлатларининг кўмагисиз ҳар қандай ташаббус муваффақиятсиз бўлишини айтди.

Мария Захарова 20 февраль сешанба куни “Толибон” делегацияси фақат қочоқ афғон фуқаролик жамияти вакиллари иштирокидаги майда тадбирларни ўтказишга рухсат берилгани туфайли юзага келган камситувчи шароит туфайли йиғилишда қатнашишдан бош тортганини айтди.

Россиялик мулозимнинг қўшимча қилишича, Афғонистон бўйича махсус вакилни таништириш ва БМТнинг Афғонистон бўйича махсус элчиси лавозимини яратиш бўйича илгари эълон қилинган режалари бўйича ҳеч қандай қарор қабул қилинмаган.

Унинг таъкидлашича, бундай масала тегишли тушунтиришсиз кун тартибига киритилган.

Мария Захарова мамлакат делегациясининг Доҳадаги йиғилиш доирасида Хитой, Эрон ва Покистон вакиллари билан бир неча бор музокаралар ўтказганини ва Россиянинг минтақавий ҳамкорликни мустаҳкамлаш йўлида бирдамлигини таъкидлади.

Россия Ташқи ишлар вазирлиги матбуот котибининг қўшимча қилишича, Россия расмийлари “Толибон” билан бирдамлик белгиси сифатида ушбу учрашувда қатнашишдан бош тортган.