20 февралга ўтар кечаси Украина қуролли кучлари мамлакат жануби-шарқидаги Запорожье вилоятига йўналтирилган Россия ҳужумларини муваффақиятли қайтаришга эришган. Бу ҳақда Украина кучлари берган баёнотга асосланиб, CNN хабар берди.
Хабарда айтилишича, 20 февраль куни тонгда Украина Бош штаби тарқатган маълумот қуролли кучлар томонидан Запорожье вилоятидаги Малинивка ва Роботин ҳудудларига йўналтирилган Россиянинг 11 та йўналишдаги ҳужуми тўхтатилганини тасдиқлаган.
“Тун оғир ўтди. Запорожье ҳудудидаги барча ҳужумлар қайтарилди. Руслар йўқ қилинди. Вазият назорат остида”, — дея вазиятга муносабат билдирган Украина Ғарб оператив қўмондонлиги.
Россия сўнгги ҳужумда иккита С-300 ракеталари, масофадан бошқарилувчи ракетага қарши тизимлар ва 23 та ҳужумкор дрондан фойдаланган. Украинага қарши учирилган дронлар Харьков, Полтава, Кировоград, Днепр, Запорожье, Херсон ва Николаев вилоятлари осмонида уриб туширилган.
Изоҳ (0)