Лионель Месси хитойлик мухлисларига нима учун Гонконгда ўйнамаганини тушунтириб берди. Бу учрашув 4 февраль куни Гонгконг юлдузларига қарши бўлиб ўтган.
“Интер Майами” ва Аргентина терма жамоаси ҳужумчиси Хитойнинг Weibo ижтимоий тармоғи учун видеолавҳа ёзиб, у Гонконг чемпионати юлдузларига қарши ўйинда иштирок этмагани сиёсий сабаблар билан боғлиқ эмаслигини айтиб ўтди.
“Гонконгдаги ўйиндан кейин кўп танқидларни ўқидим. Кимдир ёлғон гапларга ишонмаслиги учун видеомурожаат қилишга қарор қилдим.
Сиёсий ва бошқа кўплаб сабабларга кўра ўйнашни истамаганим ҳақида хабарларни кўп эшитдим, лекин бу мутлақо ёлғон. Агар шундай бўлганида Япония ёки Хитой давлатига кўп саёҳат қилмасдим. Фаолиятимнинг бошиданоқ мен Хитой билан жуда яқин муносабатдаман.
Матбуот анжуманида айтганимдек, мушакларимда оғриқ бор эди ва айнан шу сабаб Саудия Арабистонидаги биринчи ўйинда майдонга туша олмадим. Иккинчи ўйинда мен майдонга тушдим, аммо бу нарса менинг аҳволимни ёмонлаштирди. Ўйиндан бир кун олдин Гонгконгда машғулотларни томоша қилиш учун келганларнинг барчасини хурсанд қилиш учун машғулотларга киришдим.
Бир неча кундан сўнг ўзимни бир оз яхши ҳис қилдим ва шунинг учун ҳам Японияда ўйнай олдим”, — дея вазиятни изоҳлади Месси.
Изоҳ (0)