Uzbekistan Airways авиакомпаниясининг HY606 Москва—Самарқанд рейси экипажи Тошкентдаги муқобил аэродромга жўнаб кетишга қарор қилди. Бу ҳақда Uzbekistan Airports матбуот хизмати хабар берди.
Қайд этилишича, бунга Самарқанд халқаро аэропортида ноқулай об-ҳаво шароити (кўринишнинг пастлиги) сабаб бўлган.
17 февраль куни Тошкентдан Новосибирск, Жидда, Олмаота, Пекин ва Истанбулга учадиган рейслар кечиктирилганди. Шунингдек, 8 февраль куни Тошкентда Россиянинг “Аэрофлот” рейси 6 соатдан ортиққа, январь охирида эса Тошкентдан Дубайга учиши керак бўлган рейс бир кунга кечиктирилгани тўғрисида хабар берилган эди.
Эслатиб ўтамиз, декабрь охирларида Silk Avia авиакомпаниясининг USA-751 рейси Термиз аэропортидаги ноқулай об-ҳаво шароити (чанг бўрони) туфайли Қарши аэродромига йўналтирилганди.
Изоҳ (0)