Тайпейлик таеквондо мураббийи ўзининг шогирдлари бўлган 11 қизга жинсий зўравонлик қилгани учун қарийб 30 йиллик қамоқ жазосига ҳукм қилинди. Бу ҳақда Taiwan News нашри хабар берди.
Хабарда айтилишича, тўрт йил ичида мураббий қизларга нисбатан 100 дан ортиқ зўравонлик ҳаракатларини содир этган. Янги Тайпей округ суди мураббийни бошқа жиноятлари билан бир қаторда “Болалар ва ўспиринларни жинсий эксплуатация қилишнинг олдини олиш тўғрисида”ги қонунни бузганликда айбдор деб топди ва унга нисбатан 29 йил-у 6 ойга озодликдан маҳрум қилиш жазосини тайинлади.
Хабарда айтилишича, мураббийнинг жиноятлари 2019 йилдан 2022 йилгача содир этилган бўлиб, қурбонлар орасида 2-синф бошланғич мактаб ўқувчиларидан тортиб, учинчи курс ўрта мактаб ўқувчиларигача бор.
Жиноятчига жами 109 та жиноий иш бўйича айбловлар қўйилган. Судланувчи дастлаб бир неча бор жиноятни рад этган ва унга нисбатан туҳмат бўлганини даъво қилган. Мураббийда қизларнинг рухсатсиз олинган суратлари топилгач, унинг даъволари рад этилган.
Изоҳ (0)