Навоий вилоятининг шимолий ҳудудларида кучли шамол сабабли чанг-бўронли об-ҳаво шароити кузатилди, деб хабар беради “Ўзгидромет” ахборот хизмати.
Қайд этилишича, чанг бўрони оқибатида кўриш масофаси 40-50 метргача, айрим жойларда ундан ҳам кўпроқ масофага пасайган. Ҳудуднинг жанубий қисмларида эса кучли шамоллар билан ёмғир, қор ёғиб ўтмоқда.
Аввалроқ “Ўзгидромет” Бухоро ва Навоий вилоятларида шамол тезлиги 17-22 метр/секундгача кучайиши тўғрисида хабар берганди. Февраль бошларида Тошкентдан Бухорога учган самолёт чанг бўрони сабаб пойтахтга қайтган эди.
Ўтган йилнинг октябрь ойида 2030—2050 йилларда Марказий Осиё минтақасида ҳаво ҳароратининг 1,5—3 даражага кўтарилиши прогноз қилинганди. Ўтказилган таҳлилларга кўра, Ўзбекистонда чанг бўронларига сабаб бўлувчи иккита омил мавжуд: ташқи ва ички.
Изоҳ (0)