Япония компаниялари Ўзбекистонда табиий офатларнинг олдини олиш маҳсулотларини ишлаб чиқариши мумкин, деб хабар бермоқда “Дунё”.
Маълум қилинишича, Ўзбекистон элчихонасида Nippon Investment Operating Corporation (NIOC) компанияси раҳбари Наби Мамажан, унинг ҳамкори Muroosystems Corporation бош ижрочи директори Пан Жонгсин ҳамда компания менежери Ёшифуми Таката билан музокаралар ўтказилди.
Суҳбат давомида “Қўқон” эркин иқтисодий зонасида табиий офатларнинг олдини олишга ихтисослашган ишлаб чиқариш корхонасини ташкил қилиш ҳамда тоғ ва сел кўчкиларнинг олдини олишда ишлатиладиган габион ва турли ҳимоя сеткаларини ишлаб чиқариш масалалари муҳокама қилинди.
Учрашувда компания табиий офатларнинг олдини олиш бўйича пилот лойиҳасини амалга оширишига келишиб олинди. Шу боис япон томони яқин фурсатларда Ўзбекистонга ташриф буюриб, тегишли вазирликлар ва бошқа ташкилотлар билан дастлабки музокаралар ўтказишга тайёрлигини маълум қилди.
Изоҳ (0)