Словенияда қишки танаффусдан сўнг чемпионат ўйинлари қайта бошланди.
“Олимпия” жамоаси “Рогашка” жамоасини қабул қилди ва учрашувда қизиқ ҳолат юз берди: меҳмонлар 24-сонияда ўйинчи алмаштиришни амалга оширди.
Словения чемпионатида бир қоида мавжуд. Ҳар бир жамоа бошланғич таркибда 21 ёшгача бўлган маҳаллий футболчини майдонга туширишга мажбур. “Рогашка” бу ишни бажарди, аммо футболчи бир дақиқа ҳам ўйнамай, 29 ёшли Айдин Мулаличга ўз ўрнини бўшатиб берди.
“Рогашка” билан қизиқ вазиятлар кўп бўлган. Масалан, жамоа “Копер”га қарши ўйинда таркибга ёш футболчиларни киритмади ва техник 0:3 ҳисобидаги мағлубиятни қабул қилиб олди.
Айнан шу жамоалар ўртасидаги иккинчи даврадаги ўйинда 18 ёшли ҳимоячи “Копер” жамоаси таркибида майдонга тушиб, бир дақиқадан кейин ўрнини Габриэль Грозницга бўшатиб берган.
Словенияда жуда кўп жамоалар бу қоидани “айланиб ўтишни” амалламоқда.
Изоҳ (0)