Малдив ороллари бош прокурори Ҳусайн Шамимга кўчада ҳужум уюштирилди. Бу ҳақда маҳаллий ОАВ прокуратура вакилига таяниб хабар берди.
Ҳодиса 31 январь куни эрталаб содир бўлган. Ҳужумдан сўнг Ҳусайн Шамим касалхонага ётқизилган, унинг елкаси яралангани, шунингдек, чап сон суяги сингани хабар қилинмоқда.
“Шамим миномётдан ўққа тутилди. У велосипедидан тушиб, уйга кираётганда ҳужум содир этилган, оқибатда чап елкасидан яраланган”, — дейилади полиция хабарида.
Қайд этилишича, ҳужум содир қилган шахсни қўлга олишнинг иложи бўлмаган. Унинг шахси ҳали ҳам аниқланмаган. Ҳозирда айбдорни излаш ишлари олиб борилмоқда.
Изоҳ (0)