Курил ороллари — Россия ҳудуди, Москва уларни ривожлантиради, деди Хавфсизлик кенгаши раиси ўринбосари ва собиқ президент Дмитрий Медведев.
“Шу билан бирга, оролларнинг стратегик роли ошади, жумладан, у ерда янги қуроллар жойлаштирилади”, — деб ёзди у “ВKонтакте” ижтимоий тармоғида.
Медведев Япония бош вазири Фумио Кисиданинг Токио ҳудудий можаро ҳал бўлганидан кейин ҳам Москва билан тинчлик шартномаси имзоланишини кутаётгани ҳақидаги сўзларига шу тариқа жавоб берди.
Медведевнинг сўзларига кўра, агар “ҳудудий масала Россия конституциясига мувофиқ абадий ёпилгани” ҳисобга олинса, битим тузишга “ҳеч ким қарши эмас”. Хавфсизлик кенгаши раисининг ўринбосари Курил оролларини баҳсли ҳудудлар деб ҳисобламаслигини ва Япония томонининг “Шимолий ҳудудлар” тўғрисидаги фикрига “унчалик ҳам аҳамият бермаслигини” айтди. Токио Жанубий Курил оролларини шимолий ҳудудлар деб атайди.
Совет Иттифоқи назорати остида бўлган Кунашир, Шикотан, Итуруп ва Хабомаи тизмаси ороллари туфайли бу икки давлат Иккинчи жаҳон урушидан кейин тинчлик шартномасини тузмаган эди. Токио оролларни босиб олинган деб атайди ва уларни қайтаришни талаб қилади; Москва бу ҳудудлар қонуний равишда СССР таркибига кирган деб ҳисоблайди.
Изоҳ (0)