“Кавказ асираси” — афсонавий режиссёр Леонид Гайдайнинг муваффақиятли фильмларидан бири. Картина совет киноси юлдузларини бирлаштирган ва томошабинлар томонидан илиқ кутиб олинган. Гайдайнинг ҳар қандай фильмида бўлгани каби, “Кавказ асираси”да ҳам бир қанча найрангларни кўриш мумкин.
1967 йилда Совет киносида махсус эффектлар ҳали йўқ эди. Шунинг сабабли саҳналарни суратга олиш учун зукколикка таяниш керак бўлган. Довдир ролини ўйнаган Юрий Никулин қўлини чўзган эпизодлардан бирида шундай бўлган.
Ушбу эпизод бўйича баҳслар ҳали ҳам давом этмоқда. Баъзилар буни яхши монтаж деб ўйласа, бошқа бир версияга кўра, адёл остида пакана одам яширинган дейди.
“Бу ғояни суратга олиш майдонига Юрий Никулиннинг ўзи топиб келган. Унга эса, бу найранг ҳақида бир цирк актрисаси 60 йилларда айтиб берган. Никулин воқеани хотирасига сақлаб қўйган ва бу найрангни комедиялардан бирига қўшишни ўйлаган”, — деб эслайди “Уч актёр” музейи директори Владимир Сукерман.
Шунингдек, Нина роли ижрочиси Наталя Варлей ўз китобида қўл пакана одамга эмас, балки Гайдайнинг ёрдамчисига тегишли эканлигини таъкидлаган.
“Жуда кулгили ҳолат, Никулиннинг Довдир образи ётганида қўли билан товонини қашлаган эпизодни Никулин ўйлаб топган ва буни қандай бажаришни ҳам ўзи кўрсатиб берган. Адёл остида режиссёр ёрдамчиси бор эди. Никулин қўлини адёл остига тиқиши билан ёрдамчи қўлини Никулиннинг товонига чўзади... Ҳаммаси оддий, зукколик билан!”
Варлейнинг версияси ҳақиқатга яқинроқ. Георгий Вициннинг орқасида кимдир яширингани аниқ. Лекин бу қўл пакана одам қўли ўлчамидаги қўл эмас.
Изоҳ (0)