Қозоғистон Мажилиси мамлакатга электрон сигареталарни (вейп) олиб кириш, ишлаб чиқариш ва сотишни тўлиқ тақиқловчи қонунни қабул қилди. Бу ҳақда Tengrinews хабар бермоқда.
Вейплар савдоси учун жиноий жавобгарлик қуйидагиларни назарда тутади:
- вейп сотганлик учун максимал жазо — 50 кунгача қамоқ;
- олиб кириш ва тарқатиш учун — 2 йилгача озодликдан маҳрум қилиш;
- жиноий гуруҳ томонидан ёки ўта йирик миқдорда ёки такроран содир этилган шундай ҳаракатлар учун — 5 йилгача озодликдан маҳрум қилиш.
Бундан ташқари, тиббиёт ходимларига беморнинг индивидуал хусусиятларига қараб энг яхши даволаш усулларини танлаш имкониятини бериш учун тиббий ёрдам кўрсатишда клиник протоколлардан мажбурий фойдаланиш истисно қилинади.
2022 йилнинг кузида Қозоғистон Соғлиқни сақлаш вазирлиги мамлакатда вейплар муомаласини тақиқлашни таклиф қилганди. Бунга ўсмирлар ва болалар ўртасида истеъмол кўпайгани сабаб бўлган.
Изоҳ (0)