Россия президенти Владимир Путин Шимолий Кореяга расмий ташриф билан боришни режалаштирмоқда. Ҳозирча сафарнинг аниқ санаси номаълум.
Корея марказий ахборот агентлиги (KCNA) маълумотларига кўра, Россия президенти Владимир Путин “яқин келажакда” Пхеньянга ташриф буюриш ниятида. Бу ҳақда КХДР Ташқи ишлар вазирлиги раҳбари Чве Сон Хининг россиялик ҳамкасби Сергей Лавров билан учрашуви якунларида маълум бўлган.
Шимолий Корея делегацияси Россия президентига Ким Чен Иннинг Пхеньянга “ўзига қулай вақтда” ташриф буюриш ҳақидаги шахсий таклифини етказган.
“КХДР ҳукумати президент Путиннинг мамлакатимизга ташрифини илиқ қаршилайди ва Корея халқининг энг яқин дўстини чин юракдан кутиб олишга тайёр”, — дейилади KCNA нашри.
“ТАСС” хабарига кўра, аввалроқ Россия президенти матбуот котиби Дмитрий Песков Владимир Путин Шимолий Кореяга ташриф буюриш таклифини олганини тасдиқлаган. Аммо давлат ташрифи санаси ҳали аниқ белгиланмаган, дипломатик каналлар орқали келишилмоқда.
Изоҳ (0)