Франциянинг кўплаб шаҳарларида минглаб одамлар мигрантларга нисбатан қатъийроқ сиёсатни назарда тутувчи иммиграция қонунига қарши норозилик намойиши ўтказди. Бу ҳақда France24 ва BFМTV хабар берди.
Намойишлар Париж, Страсбург, Лион, Нант, Бордо, Лили, Ренни ва бошқа шаҳарларда бўлиб ўтди. Мамлакат Ички ишлар вазирлиги 75 мингга яқин киши намойишга чиққанини билдирди, шулардан 16 мингтаси — пойтахтда.
Қайд этилишича, норозилик акциялари қонун Конституциявий кенгаш томонидан кўриб чиқилиши арафасида бўлиб ўтган.
Намойишчилар янги қонун француз қадриятлари ва тамойилларига зид эканини даъво қилмоқда.
ОАВ ёзишича, қонун лойиҳаси хорижликларни депортация қилиш эҳтимолини оширади, ижтимоий суғурта олишни чеклайди ва оила аъзоларини Францияга олиб келишни қийинлаштиради.
Изоҳ (0)