Қалин туман сабабли Тошкент халқаро аэропорти фаолияти чеклангани тўғрисида хабар берилганди. Uzbekistan Airways авиакомпаниясининг HY-212 Рига—Тошкент рейсини соат 23:26 да амалга ошираётган самолёт Самарқанддаги муқобил аэродромга қўнди.
Соат 23:10 ҳолатига кўра, Тошкент аэропортида кўриш масофаси 650 метргача яхшиланган. Шу боис Azerbaijan Airlines авиакомпаниясининг J2-5131 Боку—Тошкент рейси маҳаллий вақт билан соат 23:09 да белгиланган аэропортга қўнган.
Шунингдек, “Россия” авиакомпаниясининг FV-6725 Красноярск—Тошкент рейси ҳам маҳаллий вақт билан соат 23:16 да Тошкент аэропортига қўнган.
Маҳаллий вақт билан соат 00:13 дан бошлаб, Тошкент халқаро аэропортининг мунтазам иш фаолияти тикланган.
Аввалроқ Silk Avia авиакомпаниясининг USA-751 рейси Термиз аэропортидаги ноқулай об-ҳаво шароити (чанг бўрони) туфайли Қарши аэродромига йўналтирилгани тўғрисида хабар берилганди.
Изоҳ (0)