Кампала шаҳрида (Уганда) 18 январь куни Ўзбекистон ва Уганда ўртасида дипломатик муносабатлар ўрнатиш тўғрисида қўшма коммюнике имзоланди. Бу ҳақда Ташқи ишлар вазирлиги матбуот хизмати хабар берди.
![](/static/2023/Fozilbek/photo_2024-01-20_11-19-30.jpg)
Икки мамлакат ҳукуматлари номидан ҳужжатни Ўзбекистон ташқи ишлар вазирининг биринчи ўринбосари Баҳромжон Аълоев ва Уганда ташқи ишлар вазири Жеже Одонго имзолади.
Уганда Ўзбекистон билан дипломатик алоқа ўрнатган 145-давлат бўлди.
Уганда Шарқий Африкадаги давлат бўлиб, майдони 236 минг километр квадратга тенг. Аҳолиси 44,7 миллион кишини ташкил этади.
2021 йилнинг майида Доминика Ўзбекистон дипломатик алоқалар ўрнатган 137-, Панама 138-давлат бўлганди. 2022 йил 9 март куни мамлакатимиз Сент-Китс ва Невис Федерацияси билан дипломатик алоқалар ўрнатган. 10 май куни Сент-Винсент ва Гренадин ороллари Ўзбекистон билан дипломатия муносабатлари ўрнатган 140-мамлакат бўлганди.