Осиё футбол конфедерацияси интизом қўмитаси Ўзбекистон футбол ассоциацияси ҳамда “Насаф” клубига қарши учта қарор қабул қилди.
Бу ҳақида футбол мутахассиси Алишер Никимбаев хабар қилди.
“Икки кун ичида ОФК интизом қўмитаси ЎФАни 5 минг, “Насаф”ни эса 50.375 доллар жаримага тортди.
ЎФА Осиё Кубоги доирасидаги Сурияга қарши ўйин тур фирмалар рекламаси акс этган либосларда келган мухлислар учун жазоланди. “Насаф” эса “Ас-Садд”га қарши Чемпионлар Лигаси ўйинида мухлислар тош отгани ва у ҳакам ёрдамчисига теккани, “Шаржа”га қарши баҳсда эса рақиб ўйинчиси кўзига лазер тутгани учун жазоланди.
Қайд этиш жоиз, ЎФА ноябрда Афғонистонга қарши Осиё Кубоги U-23 саралаш ўйинида уч нафар мухлис майдонга югуриб чиққани учун 15 минг доллар жаримага тортилганди”, — деб ёзади Никимбаев.
Изоҳ (0)