Ўзбекистонда 2023 йилда қўпол қонун бузилиши ҳолатлари юзасидан 8 мингдан ортиқ жиноят иши қўзғатилди. Бу ҳақда Бош прокуратура ахборот хизмати раҳбари Ҳаёт Шамсуддинов маълум қилди.
Қайд этилишича, прокуратура органлари томонидан 2023 йилда мамлакатда қонун устуворлигини таъминлаш мақсадида 160 мингга яқин прокурор назорати ҳужжатлари қўлланилди, 394 минг нафар фуқаронинг ҳуқуқлари тикланган. Шунингдек, 40 мингдан ортиқ ноқонуний ҳужжатлар прокурорларнинг протестлари асосида қонунга мувофиқлаштирилган, тегишли идораларга 28 мингга яқин тақдимнома киритилган.
Қонун талабларини бузган 66 мингга яқин шахс интизомий ва маъмурий жавобгарликка тортилган, қўпол қонун бузилиши ҳолатлари юзасидан 8 мингдан ортиқ жиноят иши қўзғатилди. Текширишлар ва тергов давомида жами 2 триллион 600 миллиард сўм зарар ундирилган.
Ўзбекистонда 2023 йилнинг биринчи ярмида ёқилғи-энергетика соҳасида ўтказилган рейдларда 327 миллиард сўм зарар ундирилгани тўғрисида хабар берилганди.
Изоҳ (0)