Туркиянинг Мерсин—Анталия трассасида шаҳарлараро йўловчи автобуси ағдарилиб кетди. Ҳодиса оқибатида тўққиз киши ҳалок бўлди, яна 30 киши жароҳат олди. Бу ҳақда TRT Haber ва Milliyet телеканаллари хабар берди.
Автобус туннелдан чиқишдаги тўсиққа бориб урилган ва ағдарилиб кетган. Воқеа жойига тез ёрдам, жандармерия, AFAD ва ўт ўчириш бригадалари етиб келди. Ярадорлар шифохоналарга етказилди.
Маҳаллий ҳоким Али Ҳамза Пеҳливан ҳам воқеа жойига борди.
“Бу ҳақиқатан ҳам бахтсиз ҳодиса, барчамиз жабр кўрдик. Жароҳатланганларга тезроқ соғайиб кетишларини тилайман. Воқеа ҳақида хабар олишимиз билан қидирув-қутқарув ва тиббий гуруҳларимиз, шунингдек, жандармерия ҳам воқеа жойига етиб келди. Воқеа юзасидан керакли текширувлар ўтказилди”, — деди расмий.
Аввал Туркияда ичида сайёҳлар бўлган автобус ағдарилиб кетганди. Ҳодиса оқибатида 26 киши жароҳат олган.
Изоҳ (0)