2025 йилдан бошлаб Латвияда 20 ёшдан кичикларга тамаки маҳсулотлари ва уларнинг ўрнини босувчи маҳсулотларни (масалан, вейп) сотиш тақиқланади. Бу ҳақда Baltic News хабар берди.
Ҳозирча қонунга кўра, тамакини 18 ёшдан бошлаб сотиб олиш мумкин. Тақиққа риоя қилмаган 20 ёшгача бўлганлар 15 еврогача жаримага тортилиши мумкин. Худди шундай жарима тамаки ва унинг ўрнини босувчи маҳсулотларни сотиб олиш ёки сақлаш учун ҳам назарда тутилади.
Сотувчилар, ўз навбатида, 280 дан 700 еврогача, юридик шахс эса 700 дан 7100 еврогача жаримага тортилиши мумкин.
Янги қоидалар, шунингдек, электрон сигаретлар учун “хушбўй” суюқликларни сотишни ҳам тақиқлайди. 2025 йил 1 январдан дўкон пештахталарида фақат тамаки ҳиди ва таъмига эга суюқликлар бўлади.
Чекиш ҳар йили 700 минг одамни ўлдирадиган Eвропа Иттифоқида эрта ўлимнинг кенг тарқалган сабабидир. Мамлакатлар чекувчилар сонини камайтиришнинг турли усулларига мурожаат қилмоқда. Масалан, Нидерландия улар филтрли сигаретларни тақиқлашни режалаштирмоқда, Бельгияда супермаркетлар 2025 йилдан бошлаб тамаки маҳсулотларини сотишни тўхтатади.
Изоҳ (0)