Тошкентнинг Юнусобод туманидаги кафеларнинг бирида 15 январь куни ёнғин содир бўлди. Ҳолат акс этган видео ижтимоий тармоқларда тарқалди.
Пойтахт ФВБ матбуот хизматининг маълум қилишича, Юнусобод тумани, Осиё кўчасида жойлашган вақтинчалик овқатланиш жойларининг бирида ёнғин содир бўлаётгани тўғрисида хабар соат 02:51 да келиб тушган.
Шунга кўра, 5 та ёнғин-қутқарув экипажилари воқеа жойига соат 02:55 да етиб бориб, ёнғин соат 03:04 да ўраб олинган ва соат 03:09 да ўчирилган.
Содир бўлган ёнғин натижасида ошхонанинг тахминан 150 квадрат метр майдондаги том ва шифт қисми ёниб зарарланган.
Ҳодиса оқибатида ҳалок бўлган ва жабрланганлар йўқ. Ҳозирда ёнғин сабаби ва моддий зарар миқдори аниқланмоқда.
Изоҳ (0)