Иммунитети яхши бўлган кишиларда лабдаги учуқ одатда икки ҳафта ичида ўтиб кетади. Бир ёки икки соат давомида учуқни бартараф қиладиган дори мавжуд бўлмаса ҳам, даволашга ёрдам берадиган чора-тадбирлар ҳақида маълумот бериб ўтамиз.
Даволаш қанча тез бошланса, шунча яхши. Вирусга қарши таъсир кўрсатувчи мазь бу борада сизга ёрдам бера олади. Битишини тезлаштириш учун қаттиқлаша бошлаганида намлантирувчи крем суртиш керак.
Уй шароитида нима қилиш мумкин?
Сув ва олма сиркаси қўшилган аралашмага ботирилган пахтали чўпни зарарланган соҳага суртинг. Олма сиркаси айрим бактерия ва вирусларга қарши курашишда ёрдам бериши мумкин.
Шунингдек, ҳуснбузарларни бартараф қиладиган косметик воситалар таркибидан ўрин оладиган чой дарахти ёғи ҳам ёрдам бериши мумкин. У терини қуритади, яранинг битишини тезлаштиради ҳамда герпес вирусининг оддий тури билан курашишга ёрдам беради.
Шунингдек, вирусларга қарши курашиш хусусиятига эга бўлган прополис ҳам ярани тезроқ битишига ҳисса қўшиши мумкин.
Косметика
Аслида яра тезроқ битиши учун унга тегинмаслик керак. Лекин муҳим учрашувга борадиган бўлсангиз, силикон асосли праймердан фойдаланишингиз мумкин. Праймер суртгандан кейин бир оз вақт ўтиб консилер ишлатинг. Кейин оддий помададан фойдаланишингиз мумкин. Унутманг, бактерия тушишининг олдини олиш учун ярага тегмаслик, ачишмаслиги учун эса аччиқ ва нордон таомлардан вақтинча тийилиш керак.
Изоҳ (0)