Португалиянинг Фаро шаҳри аэропортида Transavia авиакомпаниясига тегишли Аирбус A321neo самолёти билан кутилмаган ҳодиса юз берди. AviationSoursе News маълумотларига кўра, самолёт парвоз вақтида қуш билан тўқнашиб кетган ва шикастланган.
Борт рақами PH-YHZ бўлган самолёт 2023 йил декабрь ойида хизматга чиқарилган эди. Бундай синфдаги самолёт Transavia сафига биринчи марта қабул қилинган. Самолёт Амстердамдан Фарога HV5355 рейсини амалга ошираётган бўлган.
Учоқ аэропортга хавфсиз қўнгани сабабли ҳодиса қурбонлар ва жиддий зарарга олиб келмади. Бироқ самолётнинг бурун қисми шикастланди ва қайтиш парвози бекор қилинди. PH-YHZ атиги бир неча ҳафта тижорий парвозларни амалга оширган ва энди қачон парвозга қайтиши номаълум.
Мутахассислар зарарни баҳолаши ва A321neo мунтазам тижорий рейсларга қайтишидан олдин зарур таъмирлаш ишларини олиб бориши керак. Тransavia самолёт тез орада хизматга қайтишига ишонч билдирди.
Изоҳ (0)