Фитнес бўйича мутахассис Эллен Томпсоннинг сўзларига кўра, пиёда юришнинг фойдалари жуда кўп бўлиб, бу борада изчиллик муҳим жиҳат ҳисобланади. “Овқатланишдан сўнг 10 дақиқалик пиёда юриш организмга фойдали, кун давомидаги мунтазам жисмоний фаоллик умумий саломатлик учун муҳим аҳамиятга эга”, — деб тушунтиради у.
Овқат ҳазм қилишни яхшилайди
Овқатдан кейин юриш овқатни яхшироқ ҳазм қилишга ёрдам беради. Томпсон буни шундай тушунтиради: “Юриш овқат ҳазм қилишга ёрдам беради. Овқат ҳазм қилиш тизимидаги мушакларни рағбатлантириш орқали ҳазм бўлмаслик ва қорин шишишининг олдини олади”.
Қондаги қанд миқдорини тартибга солади
Атиги 10 дақиқа юриш ҳам қондаги қанд миқдорини назорат қилишга ёрдам беради. Journal of Sports Medicine журналида чоп этилган тадқиқотлар шуни кўрсатадики, овқатдан кейин қисқа юриш қондаги қанд миқдорини ва 2-тоифа диабет ривожланиш эҳтимолини камайтириши мумкин.
Вазнни назорат қилишга ёрдам беради
International Journal of Sports Medicine журналида чоп этилган тадқиқот шуни кўрсатадики, овқатдан сўнг дарҳол пиёда юриш озмоқчи бўлганлар учун жуда фойдали.
Томпсоннинг сўзларига кўра, “мунтазам қисқа юришлар, айниқса овқатдан сўнг, калорияларни йўқотишга ёрдам беради. Вақт ўтиши билан вазнни назорат қилишни ўрганасиз, натижада килограмм ортишининг олди олинади.
Юрак саломатлигини яхшилайди
“Юриш бу — қон айланиши ва юрак саломатлигини яхшилайдиган юрак-қон томир машқлари ҳисобланади. Овқатдан сўнг у қон босимини ва юрак-қон томир касалликлари хавфини камайтиришга ёрдам беради”, — деб тушунтиради Томпсон.
2-тоифа диабет ривожланиш хавфини камайтиради
“Овқатланишдан кейин пиёда юриш инсулин сезувчанлигини яхшилайди, 2-тоифа диабет ривожланиш хавфини камайтиради. Бу қондаги қанд миқдорини тартибга солиш учун организмга инсулиндан самаралироқ фойдаланишга ёрдам беради”, — дейди мутахассис.
Кайфиятни ва умумий ҳолатни яхшилайди
“Жисмоний фаоллик, ҳатто қисқа муддатли бўлса ҳам, эндорфин — кайфиятни кўтарувчи гормонларни ишлаб чиқаради. Овқатланишдан кейин қисқа пиёда юриш стрессдан халос бўлишга ҳамда кайфият ва умумий руҳий ҳолатни яхшилашга ёрдам беради”, дейди Томпсон.
Тинч ухлашга ёрдам беради
“Доимий жисмоний фаоллик, жумладан, овқатдан кейин қисқа юриш уйқу сифатини яхшилашга ёрдам беради. Бу циркад ритмларни тартибга солади ва тунги уйқуни яхшилайди”, деб тушунтиради эксперт.
Изоҳ (0)