Қозоғистоннинг Павлодар вилоятида йўловчилари бўлган автобус шахта яқинидаги улкан чуқурликка тушиб кетди. Бу ҳақда Tengrinews хабар берди.
Автобус билан бирга чуқурликка тушиб кетган икки нафар қутқарувчининг жасади аниқланган. Жасадларни олиб чиқиш ишлари олиб борилмоқда.
“Айни пайтда қутқарув ишлари давом этмоқда. Афсус билан маълум қиламизки, Фавқулодда вазиятлар хизмати қутқарувчилари ҳалок бўлган икки нафар сафдошимизнинг жасадини қумдан топишди. Уларни қутқариш ишлари олиб борилмоқда. Автобус топилмади, қидирув ишлари давом этмоқда”, — дея хабар берди профессионал ҳарбийлаштирилган фавқулодда қутқарув хизматлари республика марказий штаби.
Республика ҳарбийлаштирилган фавқулодда қутқарув хизматлари жамоаси қурбонларнинг оилаларига ҳамдардлик билдирди.
“Ушбу фожиали воқеа барчамиз учун катта зарба ва тузатиб бўлмайдиган йўқотиш бўлди. Қутқарув хизмати қурбонларнинг оилаларига барча зарур ёрдамни кўрсатади, қурбонларнинг қариндошларидан ҳеч бири қаровсиз қолмайди”, — дейилади баёнотда.
Вилоят фавқулодда вазиятлар бошқармаси матбуот хизмати хабарига кўра, чуқурликнинг узунлиги 150-200 метр, эни 500 метр, қулаш чуқурлиги 150 метрни ташкил этади. Автобусда тўрт киши бўлгани айтилмоқда.
Изоҳ (0)