Кўриш билан боғлиқ ноқулайлик ва камчиликлар турли оқибатларга олиб келмаслиги учун Grazia нашри қандай аломатлар кузатилганда шифокорга мурожаат қилиш кераклиги ҳақида маълумот бериб ўтади.
Кечаси машина ҳайдаганда кўзнинг яхши кўрмаслиги
Кўзлар билан боғлиқ муаммо борлигидан дарак берувчи илк белги кечаси машина ҳайдашга қийналиш ва кўриш билан боғлиқ муаммо бўлиши. Бу кўриш қобилиятининг ёмонлашиши, ёш билан боғлиқ ўзгаришлар ёки катаракта бошланаётганига хос аломат бўлиши мумкин.
Кўзларнинг қизариши
Аллергия, конюктивит ва ҳатто глаукома — сингари касалликлар сабаб кўзларда қизариш кузатилиши мумкин. Агар қизаришлар икки кун ичида ўтиб кетмаса, дарҳол офталмологга мурожаат қилиш керак.
Ёруғликка бўлган сезувчанликнинг ортиши
Ёруғликка бўлган сезувчанликнинг ортиши яллиғланиш жараёнининг келиб чиқишига сабаб бўлади. Агар ўз вақтида чора кўрилмаса, кўриш билан боғлиқ жиддий муаммо келиб чиқиши мумкин.
Кўришнинг равшан эмаслиги
Кўришнинг равшан эмаслиги билан боғлиқ камчиликлар ҳам жиддий оқибатларга олиб келиши мумкин.
Кўзда оғриқнинг пайдо бўлиши
Инфекция, жароҳат, қуруқ кўз, аллергия ва ҳатто глаукома – кўзда оғриқ пайдо бўлишига олиб келади. Шу сабаб ҳам кўз соҳасида оғриқ сезсангиз, тезда шифокор билан маслаҳатлашинг.
Бош оғриши
Тез-тез ёки жуда қаттиқ бош оғриғи шифокор билан маслаҳатлашиш учун сабабдир. Бундай ҳолат пайдо бўлишининг сабаблари турли хил, аммо улар орасида кўз касалликлари мавжуд. Шунинг учун невропатологдан ташқари офталмолог билан учрашиш лозим.
Кўз олдида қора доғлар пайдо бўлиши
50 ёшдан кейин бу аломат макула дистрофиясини кўрсатади. Агар ўз вақтида мурожаат қилмасангиз, кўриш қобилиятингизни бутунлай йўқотишингиз мумкин.
Изоҳ (0)