Ла Лига. “Реал” Антонио Рюдигернинг ягона голи эвазига “Мальорка”ни мағлуб этди

Футбол бўйича Испания Ла Лигасининг 19-турида “Реал” 3 январь, чоршанба куни “Мальорка”га қарши баҳс олиб борди.

Учрашувнинг биринчи бўлимида дарвозалар ишғол этилмади. Иккинчи бўлимда ҳам мадридликлар фаолликни бериб қўймади. 78-дақиқага келиб, ҳисоб очилди. Бурчак зарбасидан Модрич узатган тўпни Рюдигер бош билан дарвозага жойлаб қўйди. Ушбу гол ўйин якунигача ягона бўлиб қолди ҳамда Карло Анчелотти жамоасига ғалаба келтирди.

Ғалабадан сўнг “қаймоқранглилар” очколари сонини 48 тага етказди ва мусобақа пешқадами бўлиб қолмоқда. 

Ла Лига

19-тур баҳси

3 январь, чоршанба

“Реал” – “Мальорка” 1:0

Гол: 1:0 – 78 Рюдигер.

“Реал Мадрид”: Лунин, Карвахаль, Рюдигер, Тчуамени, Фран Гарсия, Модрич (Себальос, 86), Кроос (Хоселу, 67), Вальверде, Беллингҳем, Винисиус Жуниор (Браим Диас, 60), Родриго (Васкес, 86).

“Мальорка”: Райкович, Маффео, Настасич, Раило, Гонсалес, ван дер Хэйден (Тони Лато, 46), Санчес (Ндиае, 83), Дани Родригес (Дардер, 73), Морланес (Маскарел, 73), Саму Кошта, Ларин (Прац, 73).

Огоҳлантиришлар: ван дер Хэйден (1), Родриго (35), Лунин (45), Настасич (61), Маффео (70).