Ўзбекистонда ёмғир ва қор ёғиши кутилмоқда

Ўзбекистон ҳудуди бўйича 3—4 январь кунлари қуруқ ва илиқ об-ҳаво сақланиб туради, деб хабар бермоқда “Ўзгидромет”.

Ҳаво ҳарорати 3 январь куни кундузи 8-13 даража илиқни ташкил этади, 4 январда 12-15 даража илиққача бир оз кўтарилади, кечалари 0 даража атрофида бўлади.

Пайшанба куни кечаси ва эрталаб республика бўйича баъзи жойларга туман тушади, кундузи ва кечқурун айрим жойларда шамол тезлиги 15-20 метр/секундгача кучайиши мумкин.

5 январь, жума куни Ўзбекистоннинг марказий ва жанубий ҳудудларида кечаси ва эрталаб ёмғир ёғиши, тоғли ҳудудларда қор ёғиши эҳтимоли бор. Ҳарорат кечаси 0-5 даража, кундузи 10-15 даража илиқ атрофида бўлади.

Тошкентда ёғингарчилик кутилмайди, фақат 5 январда кечаси ва эрталаб ёмғир ёғиши мумкин.

Ҳарорат 3 январь куни кундузи 10-12 даража илиқ, 4 январда кечаси 0-2 даража илиқ бўлади, кундузи ҳаво 13-15 даражагача исийди, 5 январда кечаси 2-4 даража илиқ бўлади, кундузи 11-13 даража илиққача пасаяди.