Туркманистонда 2024 йилда туғилган биринчи ўғил болага Арқадағ исми қўйилди. Бу ҳақда “MIR 24” хабар берди.
Бола Ашхободдаги Она ва бола саломатлигини муҳофаза қилиш илмий-клиник марказида дунёга келди. Унинг вазни 4 килограмм 230 грамм, бўйи 54 сантиметр. Бу Какагелдиевлар оиласидаги учинчи фарзанд ҳисобланади. Унга ота-онаси Арқадағ исмини қўйган.
“Янги йилда мен учун энг гўзал лаҳза ўғлимнинг дунёга келиши бўлди. Фарзандим бу йил юртимизда биринчи туғилган бола эканлигидан жуда хурсандман”, – дейди янги туғилган ўғилнинг онаси Ўғулобот Какагелдиева.
Янги туғилган чақалоқнинг ота-онасига Туркманистон президенти Сердар Бердимуҳамедов ва туркман халқининг миллий етакчиси Гурбангули Бердимуҳамедов номидан табрик ва совғалар топширилган.
Изоҳ (0)