Польша ҳарбий-ҳаво кучлари АҚШ ҳарбийлари билан биргаликда Россиянинг Украинага қарата ракета ҳужумлари фонида тўртта F-16 қирувчи самолётини ҳавога кўтарди. Бу ҳақда Польша қуролли кучлари оператив қўмондонлиги Х ижтимоий тармоғида маълум қилди.
Хабарга кўра, Украина ҳудудига зарбалар бериш боғлиқ бўлган Россиянинг узоқ масофали авиациясининг интенсив фаолияти кузатилган.
“Польша ҳаво ҳудуди хавфсизлигини таъминлаш учун икки жуфт F-16 қирувчи самолёти ва иттифоқчиларнинг ёнилғи қуйиш самолётини ҳавога кўтарди. Маҳаллий вақт билан тахминан соат 5:45 да Ласкадаги базада жойлашган америкалик самолётлар, соат 6:15 да Кшесинадаги базадан полшалик самолётлар кўтарилди”, дейилади хабарда.
Эслатиб ўтамиз, Россиянинг йирик ракета ҳужуми пайтида Украина ҳудудидан Польшага “номаълум объект” учиб келганди. Кейинчалик у Россиянинг ракетаси бўлгани аниқланган. Шундан кейин Польша “ўз ҳаво ҳудудини бузадиган навбатдаги провокацияларга қаттиқроқ муносабатда бўлишини” билдирган.
Польша президенти Анжей Дуда НАТО бош котиби Йенс Столтенберг билан Россиянинг Украинага ракета ҳужуми пайтида Польша ҳаво ҳудудининг бузилишини муҳокама қилган.
Изоҳ (0)