Дональд Трамп президентлик сайловларида ғалаба қозона олмайди - бу The Financial Times томонидан келаётган 2024 йил учун қилинган прогнозлардан бири.
Шу билан бирга, нашрнинг ёзишича, Трамп Оқ уйга қайтиш учун курашиб, ўзига қарши кўплаб ҳужумларни Жо Байден таъқиби деб баҳолайди.
Нашр, шунингдек, Яқин Шарқдаги вазият беқарор, аммо назорат остида қолади, Исроил ва ҲАМАС ўртасидаги қарама-қаршилик минтақавий урушга олиб келмайди, деб ҳисоблайди.
Бошқа прогнозларга Тайван атрофидаги барқарорликнинг давом этиши, Урсула фон дер Ляйеннинг Европа Комиссияси раҳбари этиб қайта сайланиши ва глобал исиш туфайли ҳаво ҳароратининг мисли кўрилмаган даражада кўтарилиши киради.
Иқлимга келсак, профессионал метеорологлар ҳам ҳаддан ташқари иссиқликни прогноз қилмоқда. “Экстремал ҳодисалар тез-тез учрайди. Булар жуда кучли жазирама тўлқинлар бўлиб, ёзда меъёрдан 6-7 даража юқори бўлади, шу билан бирга совуқ ва ёмғирли об-ҳаво ҳам кучаяди”, — деди Россия Гидрометеорология маркази илмий раҳбари Роман Вильфанд.
Изоҳ (0)