Travel Маg портали Янги йилни нишонлаш даврида дунёнинг 60 та йирик шаҳарларидаги турар жой нархларини солиштирди.
Асос сифатида 2023 йил 30 декабрдан 2024 йил 2 январгача 3 кечалик қолиш учун шаҳар марказидаги камида 3 юлдузли меҳмонхонадаги энг арзон икки кишилик хонанинг нархи белгиланди.
Унга кўра, АҚШнинг Нью-Орлеан шаҳри биринчи ўринни эгаллади. Янги йил байрами кунлари бу шаҳардаги 3 юлдузли меҳмонхонада 3 кун яшаҳ нархи 1190 АҚШ долларини ташкил этади.
Иккинчи ўринни АҚШнинг бошқа бир шаҳри — Майами-Бич эгаллади. Бу ерда байрам кунларини ўтказиш ўртача 1184 долларга тушади.
Учинчи ўрин ҳам АҚШ шаҳрига насиб этди. Нью-Йоркда 3 кунлик байрам таътили учун 1164 доллар сарфлаш керак бўлади.
Топ 10 таликка қуйидаги шаҳарлар кирди:
- Нью-Орлеан, АҚШ - 1190 доллар
- Майами-Бич, АҚШ - 1184 евро
- Нью-Йорк, АҚШ - 1164 доллар
- Рио-де-Жанейро, Бразилия - 1089 доллар
- Сидней, Австралия - 1087 доллар
- Пунта Кана, Доминикан Республикаси - 940 доллар
- Канкун, Мексика - 905 доллар
- Эдинбург, Шотландия - 902 доллар
- Лондон, Буюк Британия - 894 доллар
- Гонолулу, Гавайи - 858 доллар
Изоҳ (0)