Наманган вилоятининг Мингбулоқ туманида 5 ёшли ўғлини ўлдирмоқчи бўлган эркак қўлга олинди. Бу ҳақда Бош прокуратура ахборот хизмати раҳбари Ҳаёт Шамсутдинов “Дарё”га маълум қилди.
Аниқланишича, 26 декабрь куни соат 22:00 ларда 34 ёшли эркак январь ойида ажрашиб кетган турмуш ўртоғи яшаб келаётган уйига бориб, биргаликда яшаш тўғрисида келиша олмасдан, жанжаллашиб, унга ўзи ва фарзандларини ўлдиришини айтиб, уйига қайтиб келган.
Шундан сўнг, у шу куни соат тахминан 23:10 ларда ошхона пичоғи билан ўзи билан биргаликда яшаб келаётган 2018 йилда туғилган ўғлини қасддан ўлдириш мақсадида бўйин соҳасига уч маротаба пичоқ тортган.
Шу вақтда хонадондаги бақир-чақирларни эшитган акаси қўлидан пичоқни тортиб олиб қўйган. Натижада эркак ўғлини қасддан ўлдириш жиноятини охирига етказа олмаган.
Ҳолат юзасидан 27 декабрь куни Мингбулоқ тумани прокуратураси томонидан Жиноят кодексининг 25-моддаси (жиноятга тайёргарлик кўриш ва жиноят содир этишга суиқасд қилиш) 97-моддаси 1-қисми (қасддан одам ўлдириш) билан жиноят иши қўзғатилиб, гумонланувчи процессуал тартибда ушланган.
Изоҳ (0)