Рождествога тайёргарлик байрамнинг бир қисмидир. Баъзилар аллақачон мандарин сотиб олишни ва оливье тайёрлашни бошлаб юборди. Бу ишлар, ёқимли, лекин кайфиятни яна ҳам кўтариш учун Рождество ҳақидаги фильмлар ёрдам беради.
“Унутилмас Рождество” (Falling for Christmas)
Чанғи учиш пойгасида бахтсиз ҳодиса туфайли хотирасини йўқотиб, эркатой меросхўр Сиeрра Жейк исмли йигитнинг уйида қолади. Шифокорлар қизга кўпроқ ҳаракат қилишни маслаҳат беради. Сиeрра бўлса, дангасалик қилади. Жейк қўлидан келганча унга ёрдам беради.
“Ўтмишдан келган рицар” (The Knight before Christmas)
Рицар Коул тасодифан ҳозирги замонга ўтиб қолади ва бу ерда Брук исмли ўқитувчини учратади. Бошида Брук Коулни амнезиядан (хотирани йўқотиш) азият чекмоқда деб ўйлайди. Кейинчалик у Коулни бутун умри давомида кутган шаҳзода эканлигини тушунади.
“Икки кишилик Рождество” (Last Christmas)
Кейт қўшиқчи бўлишни орзу қилган, лекин унинг ҳамма чиқишлари муваффақиятсиз кечади. У йил давомида рождество дўконида ишлайди ва таслим бўлади. Аммо кўркам ва сирли Том билан танишувдан кейин ҳаммаси ўзгариб кетади.
“Маликанинг ўрнида” (The Princess Switch)
Герцогиня Маргарет чикаголик Стейси исмли оддий қизга бир томчи сувдек ўхшайди. Жойларни алмаштиришнинг ғояси қизлар учун тақдирнинг ҳақиқий совғаси бўлиб чиқди.
“Янги йилгача ухламанг” (No sleep til Christmas)
Билли исмли бармен йигит ва тадбиркор аёл ғалати шароитда танишиб қолади ва уларни бир жиҳат боғлаб турганига амин бўлади. Иккиси ҳам уйқусизликдан азият чекади.
“Гарри Салли билан учрашганда” (When Harry met Sally)
Ташқаридан Гарри ва Салли бир-бири учун яратилгандек кўриниши мумкин, лекин улар шунчаки дўст бўлган. Улар ажойиб жуфтлик эканлигини тушуниб етиши учун 11 йил керак бўлди.
“Рождество гармонияси” (Christmas Harmony)
Келли турмуш ўртоғи билан ажрашганидан кейин ўз шаҳрига қайтади. Бу унга янги ҳис-туйғуларни беради: у мусиқани қайта кашф этади, оиласига бошқача кўз билан қарайдиган ва Рождество мўжизаларига ишонишни ўрганади.
“Ноэл” (Noel)
Рождествода Нью-Йоркда байрамона муҳит ҳукм суради: бутун шаҳар бўйлаб минглаб чироқлар ёнади ва миллионлаб одамлар мўжизага умид қилади. Бу фильмнинг баъзи қаҳрамонлари билан ҳақиқатан ҳам мўжизалар содир бўлади.
“Кичкина хонимлар” (Little Women)
Марч опа-сингиллари билан Массачусетс штатидаги Конкорт шаҳарчасида яшайди. Уларнинг характери, улғайиши бир-бириникидан фарқ қилади. Лекин бирлаштириб турадиган нарса ҳам йўқ эмас. Бир-бирига ва оиласига бўлган муҳаббат уларни бирлаштириб туради.
“Севгининг ушлаб бўлмас ҳиди” (Lova Hard)
Лос-Анжелеслик ёзувчи қиз интернет орқали ўзи орзу қилган йигит билан танишади. Бу имкониятни қўлдан бой бермаслик учун у йигит билан кўришиш мақсадида мамлакатнинг нариги чеккасига боради. Етиб келганидан кейин уни алдашганини тушунади.
“Ҳақиқий севги Нью-Йоркда” (Тhе Kindness of Strangers)
Янги йил арафасида миллионлаб Нью-Йоркликлар байрамга тайёргарлик кўради. Катта шаҳар бўлишига қарамай, баъзи инсонларнинг ушбу сеҳрли кечада йўллари кесишади ва улар абадий бирга қолади.
“Оилага салом” (The Family Stone)
Рождество арафаси. Бош қаҳрамон Эверетт севгилиси Мередитни уйига олиб келади. У қизни бутун оила билан таништиришни ва унга турмуш қуришни таклиф қилишни хоҳлайди. Лекин Эвереттнинг яқинлари унинг танловидан мамнун бўлмайди ва турмуш қуришга шошилмасликни маслаҳат беради.
Изоҳ (0)