Мандарин — қиш ва янги йилнинг анъанавий рамзи ҳисобланади. Олдинлари байрам арафасидагина бир-икки дона бўларди. Энди эса бутун йил давомида килограммлаб истеъмол қилиш мумкин. Лекин ҳар доим ҳам меъёридан кўп истеъмол қилиш тавсия этилмайди.
Мандарин кўп истеъмол қилиш қандай оқибатларга олиб келади?
- Шакар миқдори кўплиги глюкозанинг ортишига сабаб бўлади ва чарчоқ, ҳолсизликка олиб келади. Бу қандли диабетнинг ривожланиш хавфини оширади;
- Қорин дам бўлиши;
- Аллергик реакциялар пайдо бўлади. Цитрус мевалар кўп истеъмол қилинса, танада қичишиш, қизаришлар пайдо бўлиши мумкин;
- Ошқозон-ичак касалликлари кўпаймоқда. Ҳазм қилиш билан муаммоси бор инсонлар, гастрит ва ёндош касалликлар билан касалланганлар мева таркибида катта миқдорда кислота мавжудлиги сабабли, кўп мандарин истеъмол қилмасликлари керак;
- Вазн ортиши. Албатта, бир-икки дона билан ҳеч нарса ўзгармайди, лекин мунтазам равишда истеъмол қилинса, танада шакар миқдорининг ошиши сабаб вазн ортади.
Мандаринни тўғри истеъмол қилиш:
- меваларни одатда овқатдан ярим соат олдин ёки овқатланиб бўлгандан кейин икки соат ўтиб истеъмол қилиш тавсия этилади;
- кунинг биринчи ярмида. Бу вазн ва кислота даражасининг ошиши билан боғлиқ. Ухлашдан олдин мандарин истеъмол қилиш натижасида кўнгил айниш ҳолати бўлиши ҳам мумкин;
- бир вақтнинг ўзида 3-4 тадан кўп мандарин истеъмол қилмаслик керак. Кунлик рационда мевалар бўлгани яхши, лекин биринчи галда хилма-хиллик;
- оч қоринга истеъмол қилмаслик. Сурункали ошқозон-ичак касалликлари кучайиши мумкин.
Изоҳ (0)