S&P Global Ratings халқаро рейтинг агентлиги “Kapitalbank” АТБ рейтингини “Барқарор” прогнозини B даражасида эканлигини тасдиқлади

S&P Global Ratings рейтинг агентлиги таҳлилчилари “Kapitalbank” АТБ ва унинг кенг ҳудудий филиаллар тармоғининг юқори бренд даражасида тан олиниши, шунингдек, банкнинг чакана бизнесга эътибор қаратаётгани ва унинг мамлакат молия тизими учун аҳамиятли эканини таъкидлади. 

Мутахассислар банкдан кичик ва ўрта бизнес ҳамда чакана мижозларга хизмат кўрсатишга ихтисослашган мамлакатнинг энг йирик хусусий банки сифатида мустаҳкам бозор мавқеини сақлаб қолиши, шу билан бирга ҳудудларда сезиларли мавқега эга бўлиши, таниқли бренд даражасини сақлаб қолишни кутмоқда.

Ушбу омиллар, шунингдек, хатарларни малакали бошқариш, юқори операцион самарадорлик ва хизматларни фаол рақамлаштириш “Kapitalbank” АТБга даромад олиш ҳамда бизнесини кенгайтириш бўйича юқори қобилиятни сақлаб қолиш имконини беради.

“Биз учун нафақат мамлакатимизнинг барча ҳудудларидан келган хусусий фойдаланувчилар ва тадбиркорлар учун қулай банк хизматларини тақдим этиш, балки жадал ўсиш шароитида банкнинг ишончлилиги ва барқарорлигини таъминлаш ҳам муҳимдир.
Халқаро экспертлар тўғри таъкидлаб ўтганларидек, кичик ва ўрта бизнесни қўллаб-қувватлаш, шунингдек, банк маҳсулотларини жадал рақамлаштириш бизга улкан мақсадларга эришиш, мижозларга энг қулай ва сифатли хизмат кўрсатиш имконини беради”, —  дейди “Kapitalbank” АТБ бошқаруви раиси Кирилл Майевский.

Бугунги кунда “Kapitalbank”АТБ активлар бўйича мамлакатнинг энг йирик хусусий банки бўлиб, банк мижозлари 1,6 миллиондан ортиқ жисмоний шахслар ва 50 мингдан ортиқ тадбиркорларни ўз ичига олади. Мамлакатимизнинг барча ҳудудларида 100 дан ортиқ банк филиаллари фаолият юритмоқда.

“Kapitalbank” АТБ мамлакатимизда биринчилардан бўлиб банкоматлар тармоғини модернизация қилди, бугунги кунда банкнинг барча банкоматлари миллий ва халқаро тўлов тизимларидаги карталарни қабул қилади.

S&P Global Ratings ҳақида

S&P Global Ratings глобал молиявий, хом-ашё ва автомобиль саноати бозорларига фаолият юритувчи ташкилотларга кредит рейтинглари, эталон кўрсаткичлари, тадқиқот ва бизнес ечимларини тақдим этувчи етакчи халқаро компания ҳидобланувчи  S&P Global (NYSE: SPGI) таркибига киради.
S&P Global Ratings томонидан тақдим этилаётган маҳсулот ва хизматлар кўплаб етакчи халқаро компанияларга иқтисодий ҳолатларни йўлга қўйиш ва келажакни ишонч билан режалаштиришда ёрдам беради.

Реклама ҳуқуқи асосида