Наманган шаҳрининг янги тайинланган ҳокими Анваржон Отахўжаев мутасаддилар билан биргаликда шаҳардаги “Сардоба” бозорини айланди. Бу ҳақда “Дарё” мухбири Азизбек Абдувалиев хабар бермоқда.
Шу аснода ҳоким бозор атрофидаги ҳудудда савдо қилаётган ёшлар билан кўришган.
Фото: Раҳмонжон Мамадалиев
Буларга имконият яратиб беролмадикми, ҳеч йўқ шароит қилиб берайлик. Уларга тегманглар. Янги йил арафасида савдосини қилсин. Сиз билан мени олдимга ёрдам сўраб келмаяпти-ку? Тирикчилик қиламан деб кўчага чиққан. Уларни қўллаб-қувватлайлик. Сизлар ҳам йўлни тўсмай, бозорга келганларга халақит бермай савдо қилинглар, рўйхатдан ўтиш эсдан чиқмасин”, — деган шаҳар ҳокими.
Фото: Раҳмонжон Мамадалиев
Мазкур бозорнинг ички ва ташқи қисмларида ободонлаштиришга эътибор қаратиш, фавқулодда ҳолатларда ҳаракатланиш йўлакларини тартибга келтириш бўйича вазифалар белгиланди.
Шаҳар ҳокими бозор атрофидаги автомашиналарнинг ҳаракатланишида тартиб-қоидаларига риоя этиш, харидорларга қулайлик яратиш, бозор яқинидаги кўчаларда тирбандликларга чек қўйиш, янги кўп қаватли автотураргоҳ ва пиёдалар ҳаракатланиши учун йўлаклар ташкил этиш бўйича масъулларига тегишли кўрсатмалар берган.
Изоҳ (0)