Тошкент шаҳридаги туман сабабли 22 декабрь куни бир нечта рейслар муқобил аэродромларга йўналтирилди. Бу ҳақда Uzbekistan Airports матбуот хизмати хабар берди.
Маълум қилинишича, ноқулай об-ҳаво шароити туфайли Тошкент аэропортида соат 02:34 дан бошлаб самолётларни қабул қилиш учун чекловлар жорий этилди. Бир нечта рейслар муқобил аэродромларга йўналтирилди.
Самарқанд аэропортига қуйидаги рейслар йўналтирилди:
- Uzbekistan Airways авиакомпаниясининг HY-670 Новосибирск—Тошкент рейси маҳаллий вақт билан соат 03:52 да қўнди;
- Uzbekistan Airways авиакомпаниясининг HY-9614 Москва—Тошкент рейси маҳаллий вақт билан соат 04:01 да қўнди;
- Uzbekistan Airways авиакомпаниясининг HY-614 Москва—Тошкент рейси маҳаллий вақт билан соат 04:06 да қўнди;
- Qanot Sharq авиакомпаниясининг HH-5522 Жидда—Тошкент рейси маҳаллий вақт билан соат 04:22 да қўнди;
- Panorama Airways авиакомпаниясининг 5P-362 Мадина—Тошкент рейси маҳаллий вақт билан соат 04:52 қўндиа;
- Turkish Airlines авиакомпаниясининг ТH-364 Истанбул—Тошкент рейси маҳаллий вақт билан соат 06:09 да қўнди.
Бухоро аэропортига қуйидаги рейслар йўналтирилди:
- Uzbekistan Airways авиакомпаниясининг HY-602 Москва—Тошкент рейси соат 04:59 да қўнди;
- Uzbekistan Airways авиакомпаниясининг HY-336 Жидда—Тошкент маҳаллий вақт билан соат 05:35 да қўнди.
Навоий аэропорти қуйидаги рейсларни қабул қилди:
- Uzbekistan Airways авиакомпаниясининг HY-9658 Уфа—Тошкент рейси маҳаллий вақт билан соат 04:38 да қўнди;
- Uzbekistan Airways авиакомпаниясининг HY-274 Истанбул—Тошкент рейси маҳаллий вақт билан соат 04:06 да қўнди.
Қайд этилишича, муқобил аэродромларга қўнган барча самолётлар соат 08:00 дан 09:30 гача Тошкент аэропортига қайтиб келди. Техник сабабларга кўра Panorama Airways авиакомпанияси самолёти Самарқанд аэропортида қолди. 355 нафар йўловчининг барчаси ерусти транспортида Тошкентга етказилади.
Изоҳ (0)